Richard Tumarae – Chair
Ko wai Ahau: Richard Peipi Peura Tumarae
Trustee: Mo Te Tuawhenua Trust
He mokopuna tuarua ahau na Rua Kenana raua ko Pinepine Te Rika
Whanau: He tangata atawhai, manaaki ahau I taku hoa rangatira ite wa e toito ana aia, me wa maua tamariki, mokopuna tuarua hoki
Pukenga: He mahi au I roto ite pono ki te rapu huarahi hai painga mo na whanau a nga whakatipuranga.
Uru pu ki roto I toku whatumanawa te aroha ki te Whenua Tapu o wo tatau Tipuna o Maungapohatu me te Urewera hoki.
E ai ki na korero a na koroua; “Ki te kore te Whenua, kaare he Turangawaewae mo tatau”
He roa ahau e manaaki, e tiaki ana I tera marae o tatau Maungapohatu, na nga koroua me na pakeke ahau I poipoi haere mai I roto I nga ahuatanga I nga tikanga e pa ana ki Maungapohatu, atu ki etehe o na marae o Ruatahuna, me roto ano hoki ia Te Waimana Kaaku.
He maha nga ahuatanga kai roto au engari hai whakarapopoto ko nga korero ka kapohia e au anei;
‘Tama noho, Tama Tu, Tama Ora Tama Mate’
Kia mau tatau ki to tatau Manamotuhake
Ma te ringa raupa ka ora te whanau, te hapu me te Iwi hoki.